Nin idea...

A verdade, é que hoxe non estou inspirada en absoluto para escribir. Quero dicir, que non sei a que tema me vou referir nesta entrada. Así que, contarei todo tipo de anécdotas, noticias, ou historias varias, según me vaian saíndo.
Por exemplo, disque en Galicia estamos a disfrutar da primavera máis calurosa e seca desde fai cincuenta anos. Outra estadística desas que barallan números ao azar. Porque eu penso que xa houbo outras semellantes que eu poida lembrar, e aínda non cheguei os cincuenta.
Ou tamén debo facer referencia a un xogo que eu practico a miúdo con meniños ou adultos. Trátase do Tutti Frutti. Consiste en ir anotando certos nomes de comidas, persoas ou cousas que comecen por unha determinada letra do abecedario. Unha vez que xoguei completamos todas as letras que saían, excepto algunhas que omitimos debido a súa curta extensión no diccionario. Pois, nesta ocasión, un montón de xente pensando, e non demos atopado o termo correspondente a unha comida que comece coa letra "i". Descoñezo que pasou entón, pero ocórreseme que posiblemente usamos o bilingüismo e puxemos algo así coma "iogur"... En fin... Pensade, pensade.
E, agora, a preguntiña do millón: Qué é o amor?... Tema do que tamén se tratou no seu momento. E, quen vai contestar a iso mellor que Bécquer?... "Que é o amor?, dis mentras cravas na miña pupila a túa pupila azul. Que é o amor?... E, ti mo preguntas?... O amor... es TI. Quenqueira que sexas.
Por certo, hoxe teño dous amigos de cumpreanos os que lles desexo o mellor a partir de... En breve.
Mentras escribo estou escoitando a canción de Noa, titulada "The worry doll". Fantástica. Probade a facelo.
Quero felicitar a duas persoas. A unha delas polo seu bo facer na súa festa de Graduación. Un discurso impecable. Unha dicción maravillosa. Unha referencia a min... que non esquecerei. Lembra que cada mañá debes facer o exercicio que tantas veces che mencionei. QUÉRETE!
A outra, pola súa matrícula de honra. Gañouna a pulso tamén... O bo facer sempre ten sorpresa.
E, para eses visitantes fixos que teño por aí, que saibades que vos teño afecto.
A neveira fai un barullo enorme hoxe,vexo nubes de evolución dende a miña ventá, a canción de Noa rematou, e eu vou continuar con outras cousiñas. Ata logo.