Familias.

Esa idea tan manida da palabra "familia"... Non sei se haberá duas persoas que a definan igual. Eu, por exemplo, penso que unha familia é un grupo de persoas que están unidas por un nexo común, que de unha maneira ou de outra, sempre ben sendo o amor.
Hai as familias de parentesco, familias de amizade, familias académicas, familias laborales, familias...
Hoxe, no cole, fixemos unha foto de familia dos madrugadores. Mesmo eramos moitos. Tan ben colocadiños. Tan sorrintes. Mais, cando lles mencionei a palabra familia en cuestión, unha das meniñas preguntoume por que eu sempre dicía que nos eramos unha grande familia, se non eramos parentes. Así que llo tiven que explicar, referíndome primeiro a organización interna. Porque as familias han de ser un equipo coordinado. Hai unhas mesas para os almorzos, outras para traballar, debuxar, ou realizar outras actividades, unha zona para o ordenador, un espacio para desenvolver xogos de acción. Se eu estou ocupada, que veño desempeñando o lugar da cabeza de familia, e un cativiño ten que visitar o baño, será un maior o encargado de acompañalo. Se nos atopamos na aula interior, serán os pequechos os que teñan que axudarme a recoller no remate, pero se estamos na aula exterior, serán os maiores os encargados do mesmo...
Unha vez analizadas estas pautas, a rapaza entendeu que hai unhas características propias dos grupos familiares: quererse, respetarse, convivir a miúdo... e, de vez en cando, discutir.
Ou sexa, que somos unha grande familia de verdade. Teño a grande sorte de probar a posición dunha nai de duas fillas, e de experimentar o que pode sentir unha de case 30... Non, non creo que exista. Pois, unha desas mulleres de familia numerosa...
En fin, son María... e eles son Anahí, Sheila N., Andrea N., Aaron Q., Aaron L., Noa C., Noa G., Meseret, Aine, Lorena, Xabi, David, Hugo, Diego, Noel, Iván, Gael, Paula, Santi, Antón, Nico, Michi, Sheila G., Eva, Ruth, Helena, Helena M., Ares, Claudia, David P., Sandra P., Marco... Creo que non me queda ningún. Bueno, si, aqueles que por determinadas causas tiveron que deixar de vir estes últimos meses, pero seguen sendo membros do noso clube mentras non se reincorporen.
Un bico especial para Hugo que vai ser o próximo membro que nos deixe para entrar no instituto... Querémoste!