Asombroso?

Chegáronme algunha desas novas as que non sabes como definir. Poderíase dicir "asombrosas", "curiosas", etc.
O caso é que a primeira delas, dicía que hai un home en Tailandia, chamado o Sr. Trichan, que disque mete as mans no aceite a ferver cando frite o polo e outras cousas, pois é cociñeiro, e non se queima, nin lle saen feridas. E, eu penso, non será que padece algunha desas raras enfermidades que non deixan sentir a dor?, ou, non fará trampa e unta as mans en calquera cousa que llas illa da calor? Ademáis, o caso é que meter as mans na fritura non sei se é moi hixiénico. Eu preferiría que usara pinzas, ou outra ferramente calquera. Aínda que, eu non teño pensado incrementarlle o seu negocio só porque faga esa cousa. Creo que nunca se poderá considerar un bo cociñeiro, senón un bo home espectáculo.
O outro día, un amigo sorprendeunos lendo a noticia do invento dun preservativo con tiritas. Inaudito!... Pero... Hoxe atopei a explicación. Bueno, atopei a quen vai dirixido. Abstéñanse os que ven e os que son tranquilos. Porque parece ser que o público preferente, son os cegos e os nervosos. Pero, o mellor... Hai momentos nos que os xénero masculino peca de cego, nervoso, torpe... Un bo invento, seguro!
O que xa non me fai ningunha gracia, é o conto dos nenos. Refírome a dúas novas nas que os protagonistas son cativos. Un deles aínda non nacido.
Uns pais mexicanos, querendo innovar o máximo, decidiron poñerle ao seu fillo "Winnie de Pooh". Para os que non estean postos no mundo infantil, éste é un osiño la mar de simpático o que lle gusta moitísimo o mel... Eu que levo o meu segundo nome con moitísima resignación, xa non me queixo.
Agora, o caso da outra nai, xa é de recibo. Nin sequera naceu o bebé, e a señora xa lle creou un perfil en Facebook. Ten unha chea de seguidores. A manipulación que fai sobre a vida do feto é tal, que se permite afirmar os gustos do seu futuro recén nacido, ao que según ela, lle apasiona Lady Gaga, e outras chorradas. A tal hora, os seguidores desta muller, son na súa maioría xente desa que escandaliza cando ven asomar un peito nun traxe, ou causalles un trauma ver un corpo espido. Estámosche bos!
Penso que na miña casa hoxe non hai novas curiosas. Ou si?... Descubrín que á nevera non lle gusta que eu escriba no blog. Porque comeza a facer ese ruído espantoso cando o fago. Ao mellor, é que as veces estou na cociña tan atarefada que non me dou conta diso... E, ademáis, o meu cabelo está ben lisiño. Iso si que é curioso. Non mo podo crer!...